Ók undir áhrifum áfengis með barn í bílnum

Lögreglan á höfuðborgarsvæðinu stöðvaði ökumann er ók undir áhrifum áfengis með barn í bílnum.

Segir í morgunpósti lögreglunnar að ökumaðurinn hafi verið látinn laus eftir blóðsýnatöku og einnig að barnavernd hafi gert ráðstafanir vegna málsins.

Þá tókst lögreglunni tókst eigi að hafa hendur í hári veiðiþjófs er tilkynnt var um undir Gullinbrú í Grafarvogi. Hann var farinn er lögreglu bar að garði.

Lögreglan hafði eftirlit með ástandi og réttindum í nótt og alls voru fjórtán ökumenn kærðir fyrir aka undir áhrifum áfengis eða annarra eiturlyfja.

Einn ökumaður á von á sekt fyrir að aka á nagladekkjum en óheimilt er að aka á nagladekkjum frá og með 15. apríl.