Salathúsið ehf. hefur, í samráði við Heilbrigðiseftirlit Reykjavíkur, stöðvað sölu og innkallar nú skinkusalat eftir að rækja fannst í einu boxi. Þar sem rækjur eru algengur ofnæmisvaldur hefur fyrirtækið gripið til þessara aðgerða til að tryggja öryggi neytenda.

Í tilkynningu frá fyrirtækinu kemur fram að rækjur geti valdið alvarlegum ofnæmisviðbrögðum hjá þeim sem eru með skelfiskofnæmi. Varan er þó ekki hættuleg þeim sem ekki hafa slíkt ofnæmi.

Upplýsingar um vöruna sem innköllunin nær til eru eftirfarandi:

• Vörumerki: Salathúsið
  
• Vöruheiti: Skinkusalat
  
• Geymsluþol: Síðasti notkunardagur 19. júní 2025
  
• Strikamerki: 5690969310071
  
• Nettómagn: 190 grömm
  
• Framleiðandi: Salathúsið ehf., Sundagörðum 10, 104 Reykjavík
  
• Dreifing: Krónan
  

Neytendum með rækjuofnæmi er eindregið ráðlagt að neyta ekki vörunnar, heldur farga henni eða skila í þá verslun sem hún var keypt í.