Kanadísk-bandaríska tónlistarkonan og áhrifavaldurinn Lil Tay (18) vekur nú athygli fyrir að hafa, að eigin sögn, grætt gífurlega á stuttum tíma á OnlyFans, en önnur stjarna sem hefur þénað milljónir á síðunni segist ekki trúa því.

Lil Tay heldur því fram að hún hafi grætt 15 milljónir dollara á tveimur vikum frá því hún hóf að selja efni á OnlyFans. Hún sagðist jafnvel ætla að nota peningana til að velta Sophie Rain (20) úr sessi, en Sophie hefur líka hagnast gríðarlega hratt á síðunni.

Sophie segir hins vegar við TMZ að hún eigi erfitt með að trúa því að Lil Tay hafi náð að græða svo mikið á svo stuttum tíma, enda taki það mánuði að safna slíkum fjárhæðum, og krefjist líka öflugs markaðsteymis.

Hún bætir þó við að hún hafi ekkert á móti Lil Tay og útiloki ekki að hún segi satt, en Lil Tay þurfi að „halda kjafti“ þegar kemur að henni, því Sophie sé orðin þreytt á tilbúnu drama.

Sophie segir að hún hafi alltaf vitað að andstæðingar myndu reyna að gera lítið úr henni eftir að hún varð fræg, og bendir á Lil Tay og Annie Knight sem dæmi. Hún lætur þó slíkt ekki hafa áhrif á sig og svarar aðeins þegar hún er spurð út í dylgjurnar.

Hún útskýrir að hún hafi forðast hættur sem fylgja því að vera á síðunni með því að setja sér skýr mörk, og standi við þau, sama hversu miklu henni er boðið. Það þýðir að hún segi enn skýrt NEI við nekt og kynlífsatriðum.