Matvælastofnun varar neytendur sem eru með ofnæmi eða óþol fyrir súlfíti (brennisteinsdíoxíði) við neyslu á pálmasykri frá vörumerkinu Thai Dancer. Um er að ræða eina tiltekna lotu af vörunni þar sem súlfít er ekki tilgreint í merkingum, þrátt fyrir að það sé til staðar í vörunni.

Fyrirtækið Filipino store ehf. hefur innkallað vöruna í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness.

Matvælastofnun barst tilkynning um málið í gegnum RASFF hraðviðvörunarkerfi Evrópusambandsins, sem ætlað er að tryggja öryggi matvæla og fóðurs innan Evrópu.

Hægt er að skila vörunni í verslunina án kvittana og er fullri endurgreiðslu lofað.

Innköllunin á einungis við eftirfarandi framleiðslulotu:

• Framleiðandi: Thai Dancer
• Nafn vöru: Pálmasykur
• Pakkning: 200g
• Vörunúmer: 11396
• Lotunúmer: 260724
• Geymsluskilyrði: Þurrvara
• Best fyrir dagsetning: 26-07-2026
• Innflytjandi: Filipino store, Reykjavegi 62 Mosfellsbæ
• Dreifing: Filipino store, Langarima 23 Reykjavík