Hópslagsmál, líkamsárásir og umferðalagabrot meðal verkefna lögreglu

Maður var tekinn höndum í miðbænum eftir stympingar við lögreglumenn er vildu ræða aðild hans að líkamsárás.

Þá sinnti Lögregla og slökkvilið fólki er var fast í lyftu og nokkuð var um umferðarlagabrot sem og óhöpp í gærkvöld og fram á rauða nótt.

Í tilkynningu frá lögreglunni kemur fram að hún rannsakar mál manns sem segist hafa orðið fyrir líflátshótunum sem og líkamsárás.

Nokkuð var um umferðarlagabrot og slasaðist maður lítillega eftir að hann ók á byggingu í miðbænum. Hann var handtekinn og er grunaður um akstur undir áhrifum áfengis.