Matvælastofnun hefur fengið upplýsingar frá tveimur heilbrigðiseftirlitssvæðum á Stór- Reykjavíkursvæðinu um innköllun á Kamis Gozdciki negulnöglum vegna ólöglegs varnarefnis klórpýrifos sem greindist yfir mörkum en greint er frá þessu í tilkynningu frá MAST.

Innflytjendur hafa innkallað vöruna í samráði við heilbrigðiseftirlitin.

Tilkynning barst til Íslands í gegnum evrópska hraðviðvörunarkerfið RASFF um hættuleg matvæli og fóður á markaði.

Neytendur sem keypt hafa vöruna skulu ekki neyta hennar, farga eða skila í verslun.