Lík fannst í sjónum á milli Engeyjar og Viðeyjar í gærkvöldi, að sögn Ásgeirs Þórs Ásgeirssonar, aðstoðarlögreglustjóra hjá Lögreglunni á höfuðborgarsvæðinu. RÚV sagði fyrst frá málinu.

Samkvæmt upplýsingum frá lögreglu barst tilkynning um fundinn um klukkan níu í gær. Nú stendur yfir vinna við að bera kennsl á viðkomandi og kanna hvernig hann eða hún endaði í sjónum.

Samkvæmt Vísi var það fólk í skemmtisiglingu sem fann líkið.

Lögreglan veitir ekki frekari upplýsingar að svo stöddu.