Fyrrverandi lögreglumaður og fyrrum eigandi fyrirtækisins PPP, Jón Óttar Ólafsson, hefur lagt fram kæru gegn Ólafi Þór Haukssyni héraðssaksóknara og fyrrverandi sérstakan saksóknara, fyrir rangar sakargiftir varðandi rannsókn á meintum brotum hans í tengslum við vinnu á vegum PPP á þrotabúi Milestone, árin 2011 og 2012.

Morgunblaðinu greinir frá þessu í dag.

Samkvæmt Morgunblaðinu var kæran lögð fram á mánudag.Einnig er fullyrt að Ólafur Þór hafi fyrir þrettán árum lagt fram kæru gegn Jóni Óttari, gegn betri vitund og að kæran hafi þá byggt á fölsuðum gögnum.

Það kemur einnig fram í frétt Morgunblaðsins að starf Jóns Óttars fyrir skiptastjóra Milestone hafi verið heimilað af öðrum saksóknara innan embættisins, Hólmsteini Gauta Sigurðssyni. Og að Ólafi Þór hafi verið fullkunnugt um það.

Jón Óttar segist hafa haft fullan aðgang að gögnum hjá sérstökum saksóknara og lögreglu á meðan hann vann fyrir þrotabú sem og slitastjórnir. Hann sakar Ólaf Þór um að hafa lekið gögnum PPP til RÚV í þeim tilgangi að skaða hann:

„Við vorum náttúrulega að nota gögn frá sérstökum saksóknara til að vinna í málum fyrir hann og á sama tíma vorum við náttúrulega að vinna fyrir Milestone skiptastjórann,“ sagði Jón Óttar í viðtalinu við Morgunblaðið.

Í fréttinni er líka fjallað um að engin tilraun hafi verið gerð til að eyða gögnunum og einnig er fjallað um innanhúsminnisblað þar sem eiga að koma fram upplýsingar er sína fram á sakleysi Jóns Óttars.