Matvælastofnun varar neytendur við neyslu á tveimur tegundum hrárra maríneraðra kjúklingalæra frá Stjörnugrís hf. vegna innköllunar á einni framleiðslulotu.

Um er að ræða kælivörur sem hafa þegar verið teknar úr sölu og innkallaðar af markaði. Er grunur um að salmonella sé að finna í kjúklingnum.

Innköllunin nær til eftirfarandi vara:

• Vöruheiti: Kjúklingalæri í buffalo
• Vörumerki: Stjörnufugl
• Lýsing á vöru: Hrár kjúklingur í buffaló marineringu.
• Geymsluskilyrði: kælivara
• Lotunúmer: 8019-25139
• Strikamerki: 2328812
• Framleiðandi: Stjörnugrís hf.
• Dreifing: Krónan, Bónus, Skagfirðingabúð, Kaupfélag Vestur-Hún

Og einnig:

• Vöruheiti: Kjúklingalæri saffran
• Vörumerki: Nettó
• Lýsing á vöru: Hrár kjúklingur í saffran marineringu.
• Geymsluskilyrði: kælivara
• Lotunúmer: 8018-25139
• Strikamerki: 2328802
• Framleiðandi: Stjörnugrís hf.
• Dreifing: Kjörbúðin, Krambúð, Nettó.

Samkvæmt tilkynningu MAST er framleiðandi beggja vara Stjörnugrís hf.

Neytendur sem keypt hafa kjúkling með framangreindum lotunúmerum eru beðnir um að skila vörunni í viðkomandi verslun. Ekki er ráðlagt að neyta vörunnar.