Í dagbók lögreglu frá því í gærkvöldi og í nótt segir frá því að tilkynni hafi verið um víðáttuölvaðan mann í miðborginni. Hann var fluttur á lögreglustöð vegna ástands.

Maður var ósáttur við að hafa verið vísað út af öldurhúsi í miðborginni og fór að berja á rúður. Honum var vísað á brott.

Eldamennska fór úr böndunum með þeim afleiðingum að reykræsta þurfti húsið að sögn lögreglu.

Mannlaus bifreið rann niður brekku og utan í nokkrar aðrar bifreiðar á ferðalagi sínu.

Áflog voru milli manna á knæpu og stillti lögregla til friðar.

Nokkrir ökumenn voru teknir undir áhrifum.