Í dagbók lögreglu frá því í nótt og gærkvöldi er greint frá því að keyrt hafi verið á vegfaranda á rafmagnshlaupahjóli í miðbæ Reykjavíkur. Ökumaðurinn flúði vettvang en vegfarandinn var fluttur á slysadeild með sjúkrabíl. Ekkert er gefið upp um líðan viðkomandi og er málið í rannsókn.

Tilkynnt var um einstakling sem var ofurölvi í miðbæ Reykjavíkur. Hann var handtekinn vegna ástands og neitaði að gefa upp bæði nafn og kennitölu. Á lögreglustöð hrækti hann á lögreglumann og reyndi að bíta lögreglumenn. Aðilinn var vistaður í fangaklefa vegna málsins.

Nokkuð var um ölvun og líkamsárásir í gærkvöldi og í nótt og fylltust fangageymslur lögreglu.