Samið verður við Taylor ‘s Tivoli Iceland ehf. um tímabundin afnot af Miðbakka svo fyrirtækið geti rekið þar parísarhjól í sumar en greint er frá þessu í tilkynningu frá borginni.

Reykjavíkurborg auglýsti þann 24. maí síðastliðinn eftir samstarfsaðila til að reka parísarhjól á Miðbakka við Reykjavíkurhöfn. Ein gild umsókn barst vegna auglýsingarinnar og var hún frá Taylor ‘s Tivoli Iceland ehf. sem rak parísarhjól á Miðbakka síðasta sumar. Samkvæmt borginni var reynsla af rekstri parísarhjóls á Miðbakka í fyrra jákvæð.

Íbúar í Hveragerði ósáttir

Mannlíf hefur áður fjallað um Taylor ‘s Tivoli Iceland en síðasta sumar voru starfsmenn þess eru sakaðir um að hafa ráðist á barn á bæjarhátíðinni Blómstrandi dögum í Hveragerði og var málið tilkynnt til lögreglu og barnaverndar.

Mannlíf ræddi í fyrra við nokkra gesti Blómstrandi daga voru þeir allir sammála um að starfsmenn tívolísins hafi vera sýnt af sér dónalega hegðun og skæting. Kane Taylor, eiganda Taylors Tivoli Iceland, var ósáttur með umfjöllunina og kallaði hana skoðun frekar en frétt. Hann tilkynnti blaðamanni að lögmaður sinni myndi hafa samband varðandi málið en ekkert varð úr því.