Í dagbók lögreglu frá því í nótt er greint frá því að ökumaður sem hafði verið sviptur ökuréttindum og alls ekki í fyrsta sinn. Málið var að sögn lögreglu afgreitt á vettvangi.

Tilkynnt var um hávaða frá vinnuvél eftir miðnætti. Það voru verkamenn að vinna við götumerkingar en voru að klára vinnu svo engin frekari truflun varð af þeirra störfum.

Tilkynnt var um umferðarslys þar sem ökumaður mótorhjóls hafði misst stjórn á því og hafnaði utan vega. Ökumaðurinn reyndist óslasaður en hjólið var laskað eftir óhappið.

Lögreglan fékk einnig tilkynningu um umferðarslys þar sem bifreið hafði verið ekið á grindverk og þaðan endað utan vega. Ökumaður var með minni háttar eymsli. Bifreiðin var ekki ökuhæf eftir óhappið og var dregin af vettvangi.

Ökumaður var stöðvaður eftir að hafa ekið á 140 km/klst þar sem hámarkshraði er 90 km/klst.