Í dagbók lögreglu er greint frá því að lögregla hafi verið kölluð til vegna tveggja manna sem höfðu brotið sér leið inn á byggingarsvæði í Vesturbæ. Við komu lögreglu fundust mennirnir sofandi ölvunarsvefni innandyra. Þeir handteknir og vistaðir í fangaklefa vegna húsbrots.

Lögreglan þurfti að aðstoða menn með vin sinn fyrir utan skemmtistað í borginni. Hann hafði fengið sér aðeins of mikið neðan í því og var orðinn óstýrilátur og ógnandi. Eftir smá spjall náðist að lenda málinu farsællega og án frekari afskipta lögreglu.

Tilkynnt var um einstakling að brjóta rúður í grunnskóla og er málið í rannsókn. Þá var einnig tilkynnt um líkamsárás. Einn var grunaður og náðist fljótlega. Málið er unnið með aðkomu barnaverndar og forráðamanna.

Lögregla var kölluð til vegna þjófnaðar úr verslun. Aðilar náðust skammt frá og var málið afgreitt á vettvangi.