Bæjarstjórn Sveitarfélagsins Voga samþykkti á fundi sínum að fara ekki að sinni í formlegar sameiningarviðræður við Suðurnesjabæ og Reykjanesbæ eftir fund sem haldin var í gærkvöld.

Kemur fram í bókun forseta bæjarstjórnar að tímaáætlun sem lagt hafi verið með í upphafi við byrjun óformlegra viðræðna um sameiningu sveitarfélaganna þriggja hafi eigi staðist.

Bæjarstjórn telur einfaldlega alltof skamman tíma til stefnu til að fullvinna málið á þessu kjörtímabili; því verður ekki farið í formlegar sameiningarviðræður að þessu sinni.