Vesturbæjarlaug verður lokuð til 15. júlí en greint frá þessu í tilkynningu frá Reykjavíkurborg.

Laugin hefur verið lokað frá 26. maí og átti að opna aftur 23. júní en ljóst er að það verður ekki. Í tilkynningu frá borginni segir að laugarkerið sjálft, sem byggt var árið 1961, reyndist í verra ásigkomulagi en fyrstu skoðanir gáfu til kynna. Nauðsynlegt var því að ráðast í umfangsmeiri múrviðgerðir en áætlað var og það kallar á frestun á opnun.

„Við þökkum innilega fyrir skilning og þolinmæði. Við hlökkum til að taka á móti ykkur þann 15. júlí í endurbættri og öflugri Vesturbæjarlaug – okkar sameiginlega fjársjóði,“ segir Anna Kristín Sigurðardóttir, forstöðumaður Vesturbæjarlaugar, um málið.