Miðflokkur rýkur upp en Sjálfstæðisflokkur dalar
Í nýjustu könnun Maskínu kemur fram að fylgi Sjálfstæðisflokksins mælist 17,3 prósent og lækkar um 1,6 prósent.
Stærsti stjórnmálaflokkur landsins, Samfylkingin, bætir við sig fylgi frá síðustu könnun Maskínu. Mælist flokkurinn nú með 28,1 prósenta fylgi.
Einnig kemur fram í niðurstöðum könnunarinnar að fylgi Viðreisnar lækkar um 1,5 prósent, fer úr 16,8 prósentum í 15,3 prósent.
Sá flokkur sem bætir við sig mestu fylgi er Miðflokkurinn. Hann fer úr 9,7 prósentum í 13 prósent.
Fylgi Framsóknarflokksins breytist lítið sem ekki neitt frá síðustu könnun Maskínu; mælist nú með 7 prósent fylgi.
Flokkur fólksins, sem var með 13,8 prósenta fylgi í kosningunum í nóvember í fyrra, mælist nú með 6,6 prósenta fylgi og lítil hreyfing er á fylgi Pírata, mælast með 4,6 prósent fylgi, Sósíalistaflokkurinn er með 4,4 prósent fylgi og VG er síðan með 3,7 prósent fylgi.
Komment