Sverrir Jónsson var í dag ráðinn skrifstofustjóri Alþingis en greint er frá þessu á vef Alþingis. Sverrir tekur við embættinu 1. ágúst nk., en þá lætur núverandi skrifstofustjóri, Ragna Árnadóttir, af embætti.
Sverrir var valinn úr hópi 20 umsækjenda en tveir drógu umsókn sína til baka í ráðningarferlinu.
„Sverrir Jónsson lauk BA-gráðu í hagfræði og atvinnulífsfræði frá Háskóla Íslands, MPA-prófi í opinberri stjórnsýslu frá sama skóla og hefur auk þess stundað nám í leiðtogaþjálfun við Oxfordháskóla. Sverrir hefur frá árinu 2024 starfað sem sviðsstjóri sviðs stafrænna umbóta hjá Skattinum. Þar áður gegndi hann starfi framkvæmdastjóra rekstrar hjá EFTA, þar sem hann bar ábyrgð á rekstri og innri þjónustu samtakanna í Brussel, Genf og Lúxemborg. Þá starfaði hann í fjármála- og efnahagsráðuneytinu, m.a. sem skrifstofustjóri skrifstofu rekstrar og innri þjónustu og síðar kjara- og mannsýslu ríkisins. Samhliða því var hann formaður samninganefndar ríkisins.“
Eftirfarandi sóttu um starfið
- Auður Elva Jónsdóttir, fjármála- og rekstrarstjóri
- Einar Jónsson, sviðsstjóri
- Guðrún Þorleifsdóttir, skrifstofustjóri
- Halla Sigurðardóttir, skrifstofustjóri
- Hildur Eva Sigurðardóttir, sviðsstjóri
- Hjörtur Jónsson, viðskiptastjóri
- Hrafn Sveinbjarnarson, forstöðumaður
- Hörður Ágústsson, sölu- og markaðsstjóri
- Ingvar Þór Sigurðsson, sviðsstjóri
- Jón Bragi Gíslason, lögfræðingur
- Jörundur Kristjánsson, sviðsstjóri
- Kristján Andri Stefánsson, sendiherra
- Kristrún Heimisdóttir, lektor
- Sigríður Auður Arnardóttir, lögfræðingur
- Sigríður Laufey Jónsdóttir, forstöðumaður
- Sigríður Lovísa Tómasdóttir, framkvæmdastjóri
- Sverrir Jónsson, sviðsstjóri
- Unnur Brá Konráðsdóttir, lögfræðingur
- Vigdís Jóhannsdóttir, markaðsstjóri
- Þorbjörg Inga Jónsdóttir, lögmaður
- Þórdís Ósk Helgadóttir, sviðsstjóri
- Þröstur Freyr Gylfason, sérfræðingur
Komment