Hinn sænski Armand Duplantis bætti í gærkvöld heimsmet sitt í stangarstökki er hann stökk yfir 6,28 metra á Demantamóti í Stokkhólmi og hefur hann nú bætt heimsmetið tólf sinnum.

Demantamót þetta var haldið á Ólympíuleikvanginum í Stokkhólmi og byrjunarhæð Duplantis 5,60 metrar. Fór yfir í fyrstu tilraun og það gerði hann á allar hæðir er hann reyndi við á mótinu.

Svíinn með stökkkraftinn sigraði á mótinu auðveldlega og þegar sigurinn var í höfn þá hækkaði hann rána um eina 28 sentimetra. Vildi reyna við heimsmetið sem var fyrir í hans eigu og Duplantis fór yfir 6,28 metra í fyrstu tilraun, agnaði með miklum tilþrifum. Þetta er í fyrsta sinn sem Duplantis bætir heimsmetið í heimalandi sínu.