Sérsveit ríkislögreglustjóra ásamt Lögreglunni á höfuðborgarsvæðinu eru nú í útkalli í Úlfarsárdal vegna hnífsstunguárásar.

Vitni sem hafði samband við Mannlíf sá að minnsta kosti þrjá ómerkta lögreglubíla, einn merktan og einn slökkviliðsbíl bruna í átt að Úlfarsárdal rétt í þessu.

Samkvæmt Hjördísi Sigurbjartsdóttur aðstoðaryfirlögregluþjóni hjá lögreglunni á Vínlandsleið, er um að ræða hnífaárás og að sérsveitin hafi verið kölluð út, eins og alltaf þegar vopn eru annars vegar.

Að öðru leyti getur lögreglan ekki tjáð sig um málið að svo stöddu.