Rokkarinn Katrína Mogensen hefur sett íbúð sína í miðbænum á sölu en hún býr þar með Leifi Eyjólfssoni listamanni.

Katrína hefur verið ein besta söngkona landsins síðan hún skaust fram á sjónarsviðið með Mammút árið 2004 en þá vann hljómsveitin Músiktilraunir. Bandið hefur síðan gefið út fimm plötur sem allar hafa fengið mikla og verðskuldaða athygli.

Íbúð listaparsins þykir innblásin af miklum karakter og er á jarðhæð við Freyjugötu 9. Umhverfið er rólegt en miðlægt þar sem stutt er í kaffihús, menningu og alla helstu þjónustu. Hún er 77,6 fm að stærð og eru tvö svefnherbergi í henni.

Parið vill fá 64.900.000 krónur fyirr íbúðina.