Hinn heimsfrægi listamaður Ólafur Elíasson hefur undanfarna mánuði sést með dularfulla konu sér við hlið.

Ólafur, sem er dansk-íslenskur listamaður, þekktur um heim allan, hefur undanfarna mánuði sést með ungri konu upp á arminum við hina ýmsa viðburði.

Ólafur var í viðtali við tímaritið Print Magazine í nóvember síðastliðnum, þar sem hann segir frá því að hann eigi íslenskan maka að nafni Edda, og að þau hafi þurft að athuga í Íslendingabók hvort þau væru nokkuð of skyld. Segir hann þau hafa kynnst árið 2023.

Samkvæmt heimildum Mannlífs er um að ræða fyrirsætuna og klarinettleikarann Eddu Óskarsdóttur en þau voru meðal annars mynduð saman á CIRCA-Verðlaunahátiðinni í október 2024 í Lundúnum.

Nýlega birti Edda fallega skuggamynd af þeim tveimur í Story á Instagram en hún er tekin á safninu Galerie Neugerriemschneider í Berlín þar sem Ólafur er með listasýningu sem lýkur 3. ágúst 2025.

Tuttugu og sjö ára aldursmunur er á þeim en Edda er fædd 1994, en Ólafur árið 1967.

Mannlíf heyrði í Eddu sem vildi ekki tjá sig.

Ólafur er þekktastur hér á landi fyrir að hafa hannað glerhjúpinn á Hörpu en þá hefur fyrirhugað listaverk eftir hann sem rísa á í Vestmannaeyjum, verið umdeilt af ýmsum ástæðum en skiptar skoðanir er um málið innan bæjarstjórnar Vestmannaeyja.