Elfa Björk Erlingsdóttir og Sigurður Bjarni Sigurðsson hafa ákveðið að setja raðhús sitt í Garðabæ á sölu en þau búa þar með fjölskyldu sinni.

Elfa var um tíma ein besta knattspyrnukona landsins og spilaði tvo landsleiki fyrir Ísland en í öðrum leiknum spilaði hún átta mínútur og í þeim síðari kom hún inn á í uppbótartíma. Hún átti góðu gengi að fagna með Stjörnunni og spilaði einnig með KR.

Um er að ræða vel staðsett raðhús í rólegri götu við Klettás í Garðabæ. Eignin er á tveimur hæðum, vel skipulögð með aukna lofthæð á efri hæð, björt rými og fallegt útsýni.  

Eignin er skráð 188,4 m² og skiptist í fjögur svefnherbergi, tvö baðherbergi, opið stofu/borðstofurými, eldhús, þvottahús, geymslu og bílskúr.

Elfa og Sigurður vilja fá 149.900.000 krónur fyrir húsið.