Héraðsdómur Norðurlands eystra hefur dæmt Kristinn Óskar Ingvarsson í 30 daga fangelsi en dómur þess efnis var kveðinn upp í júní.

Kristinn var ákærður fyrir líkamsmeiðingar af gáleysi, og umferðarlagabrot, með því að hafa fimmtudaginn 25. júlí 2024, bakkað bíl sínum, án nægilegrar varúðar úr bifreiðastæði við Bifreiðastöð Oddeyrar við Strandgötu á Akureyri og á gangandi konu, sem var að ganga yfir bílastæðið, með þeim afleiðingum að hún féll í götuna og mjaðmagrindarbrotnaði.

Kristinn játaði brot sitt en samkvæmt dómnum hafði hann í tvígang gengist undir lögreglustjórasektir vegna umferðalagabrot árið 2024.

Dómurinn er skilorðsbundinn til tveggja ára en engan sakarkostnað leiddi af meðferð málsins.