Félagarnir Gísli Þor­geir Kristjánsson og Ómar Ingi Magnússon urðu í dag Evrópu­meistarar með liði sínu Magdeburg.

Þetta er í annað sinn á síðustu þremur árum sem þýska handknattleiksfélagið Magdeburg verður Evrópumeistari eftir sigur á Füchse Berlín í úrslitum Meistaradeildar Evrópu.

Kapparnir fræknu Gísli Þorgeir og Ómar Ingi voru frábærir í leiknum sem var hin besta skemmtun og fögnuðurinn var mikill eins og sést á myndinni hér að ofan.

Eftir jafnræði í byrjun tók Magdeburg leikinn hreinlega yfir og var fjórum mörkum yfir í hálfleik.

Svipað var upp á teningnum í seinni hálfleik og fór það svo að Magdeburg vann fremur þægilegan sex marka sigur, 32-26, og tryggði sér þar með sigur í Meistaradeildinni.