Guðrún Hafsteinsdóttir, formaður Sjálfstæðisflokksins, hefur óskað eftir því frá flokksmönnum að þeir komi til að aðstoða við að þrífa og taka til í Valhöll, húsi flokksins. Frá þessu greinir í hún í tilkynningu til félagsmanna.

„Fimmtudaginn 12. júní stefnum við að því að taka til hendinni í Valhöll og á lóð hússins einnig,“ segir í viðburði sem flokkurinn birtir á samfélagsmiðlinum Facebook. „Formlega hefst tiltektin kl. 13:00 þann dag og stendur til kl. 19:00 um kvöldið. Þá ætlum við að grilla að loknu góðu dagsverki. Fljótandi veigar verða einnig í boði.“

Þá eru flokksmenn sem ætla mæta beðnir um að merkja við sig, sennilega svo hægt sé að áætla mat og drykki.

Að lokum segist Guðrún hlakka til að sjá samflokksfólk sitt í Valhöll.