Í dagbók lögreglu frá því í dag er greint frá því að ekið hafi verið á hjólareiðamann í Hafnarfirði. Hann var í kjölfarið fluttur á bráðamóttöku Landspítalans með minni háttar meiðsli að sögn lögreglu. Þá fékk lögreglan einnig tilkynningu um líkamsárás í Hafnarfirði

Lögreglan hafði afskipti af ökumanni sem var að aka bifreið sinni undir áhrifum fíkniefna. Ökumaður bifreiðarinnar reyndist einnig sviptur ökuréttindum.

Tilkynnt var um þjófnað og umferðarslys í ótengdum málum í Árbænum.

Nokkrir ökumenn voru sektaðir fyrir að keyra of hratt. Fimm ökumenn voru sviptir ökuréttindum sínum fyrir að aka of hratt á vinnusvæði þar sem hámarkshraði er 30.