Það lítur allt út fyrir fremur hæga breytilega átt í dag og þá verður skýjað með köflum - lítilsháttar skúrir á víð og dreif. Milt veður, en þó léttara yfir suðaustanverðu landinu. Þar gæti hiti náð að sautján stigum í dag, er best lætur.

Í kvöld gengur síðan í suðaustan kalda vestast á landinu, með nokkurri rigningu.

Á morgun verður austlæg átt, víða 5-10 metrum á sekúndu, allhvasst syðst á landinu.

Framan af degi verður bjart veður með köflum sem og úrkomulítið, það fer svo að rigna, af og til, á suðurhelmingi landsins síðdegis.

Í norðrinu þykknar upp með vætu um kvöldið og hiti verður svipaður, hlýjast um landið norðan- og vestanvert á morgun.