Það skipt­ast á skin og skúrir næstu daga og lægðir sem nú stefna í austurátt hafa fremur lítil áhrif hér á landi; braut þeirra liggur töluvert fyrir sunnan landið.

En í dag er spáð samskonar veðri og í gær. Búist er við fremur hægri breytilegri átt með skúrum ansi víða, einkum síðdegis.

Það gætu vel orðið nokkuð öflugar dembur sums staðar inn til landsins sem munu að öllum líkindum láta á sér kræla; en á milli skúra ætti að sjást ágætlega til sólar.

Hiti mun verða á bilinu sex til þrettán stig og útlit er fyrir svipað verður á morgun og um alla helgina.

Talsverðar líkur eru á norðanátt með kólnandi veðri á mánudag.