Eftir sólríkan og sjóðandi heitan maí hefur júní verið frekar daufur og blautur, nokkuð grár, en nú fer veðrið að skána.

Nokkuð víðáttumikil lægð sem er á milli Íslands og Færeyja heldur um stjórnartaumana í veðrinu í dag.

Kemur fram í hugleiðingum Veðurstofu að á Norður- og Austurlandi verður svalt í norðanáttinni; má búast við rigningu eða þokusúld; hiti á bilinu 6 til 12 stig.

Í öðrum landshlutum mun verða skýjað með köflum og sums staðar smá væta og hiti verður á bilinu 10 til 17 stig. Síðdegis má búast við dembum á Suðurlandi.

Þegar líður á kvöldið fjarlægist lægðin og á morgun er útlit fyrir hægan vind - skýjað víðast hvar og smá væta; skúrir sunnanlands og hiti verður frá 6 stigum við norðurströndina upp í ein 14 stig sunnantil.