Ekki er annað hægtað segja en að veðrið leiki við Vestlendinga og Vestfirðinga í dag eins og fram kemur í hugleiðingum veðurfræðings.

Á Vestfjörðum og á Vesturlandi verður bjartviðri og einnig mestu hlýindin.

Spáir Veðurstofan breytilegri átt, þremur til átta metrum á sekúndu.

Dálítil súld verður fyrir norðan, og fyrir austan verður þokuloft við ströndina, annars skýjað með köflum og skúrir síðdegis í uppsveitum á Suðvesturlandi og hiti verður á bilinu 6 til 18 stig.

Svalast verður norðaustanlands.

Á morgun verður fremur skýjað, sums staðar smá væta og hiti á bilinu 7 til 15 stig á morgun.