Einn af betri körfuboltamönnum landsins, bakvörðurinn Júlíus Orri Ágústsson, hefur gert samning við Tindastól og gildir hann til næstu tveggja ára.

Júlíus kemur að norðan, hann lék lengi með Þór Akureyri. Undanfarin ár hefur spilað fyrir Stjörnuna sem einmitt hampaði Íslandsmeistaratitlinum í vor, eftir sigur á liðinu sem hann nú gengur til liðs við, Tindastól frá Sauðárkróki.

Júlíus Orri lék einnig við góðan orðstí í Bandaríkjunum er hann var á unglingsaldri.

Ljóst er að Tindastóll ætlar sér að vera topplið áfram og samningurinn við Júlíus Orra er eitt skref í þá átt. Hann er á toppaldri, verður 24 ára á þessu ári, og er hörkuvarnarmaður og afar yfirvegaður leikstjórnandi sem getur vel skorað líka.

Júlíus Orri, mun, ásamt því að spila fyrir Tindastól, þjálfa yngri flokka hjá félaginu.