Í dagbók lögreglu frá því í dag er greint frá því að maður hafi verið handtekinn í miðbænum vegna húsbrots og þjófnaðar. Hann var látinn laus eftir skýrslutöku.

Þá fékk lögreglan tilkynningu um að 60 þúsund krónum hafi verið stolið og er málið í rannsókn. Tilkynnt var um stórfellda líkamsárás og var maður fluttur þungt haldinn á bráðamóttöku. Einn var handtekinn og vistaður í fangageymslu.

Tilkynnt var um nytjastuld á bifreiðinni YSE30 ljósgrá Renault Trafic 2025 í Árbænum. Þá var tilkynnt um sjóslys við Gufunes en þar var vélvana bátur á ferð. Ekki urðu nein slys á fólki og dró björgunarsveitin bátinn til hafnar.

Nokkuð var um ölvunarakstur í dag að sögn lögreglu.

Alls voru 63 mál skráð í kerfi lögreglu.