Ingvar Ásmundsson, lögmaður og einn af eigendum Juris, og Thelma Lind Steingrímsdóttir, mannauðsstjóri hjá Arion banka, hafa ákveðið að setja fasteign sína í Garðabænum á sölu.

Fasteignin er virkilega falleg og vel skipulögð þriggja herbergja 122,5 fermetra íbúð á 1. hæð í litlu fjölbýli við Breiðakur 6 í Garðabæ. Hún er á besta stað í Akralandinu í Garðabæ í lokuðum botnlanga. Íbúðin er með sérinngangi af opnum svölum og viðarverönd frá stofu. Sérstæði er í lokuðum bílakjallara og lyfta er í húsinu.

Ingvar og Thelma vilja fá 114.900.000 krónur fyrir íbúðina en samkvæmt heimildum Mannlífs ætla þau að halda sig í Garðabænum þrátt fyrir að vera bæði alin upp í Árbænum.