Edda Björk Arnardóttir gekk að eiga Udo Luckas á dögunum en dalmatíuhundur þeirra leiddi hana upp að altarinu.

Í Facebook-hópnum Hundasamfélagið, birti Edda Björk skemmtilega ljósmynd úr brúðkaupi hennar og Udo Luckas, þar sem hún gengur upp á altarið með dalmatíuhund sinni í bandi. Við myndina skrifar hún: „Besti vinurinn tók þátt í stærsta deginum okkar“. Færslan gerði rífandi lukku í Facebook-hópnum en þegar þetta er skrifað hafa hátt í 700 manns líkað við hana.

Edda Björk var mikið í fréttum síðustu ár vegna hatrammrar for­sjár­deilu hennar við barnsföður sinn. Hlaut hún að endingu 20 mánaða óskilorðsbundinn dóm í Noregi eftir að hún nam þrjá syni sína á brott en hún var handtekin hér á landi. Edda var auk þess dæmd til að greiða 35 þúsund norskar krónur í miskabætur og 75 þúsund norskar krónur í annan kostnað. Eru það samtals um 1,5 milljónir íslenskra króna.