Bullandi tap er hjá Þórsmörk, móðurfélagi Árvakurs, en tapið nam 348 milljónum króna á síðasta ári. Félagið rekur Morgunblaðið og mbl.is, Póstdreifingu og Landsprents.

Í tilkynningu sem birtist í Morgunblaðinu segir að tapið skrifist mest á tölvuárás sem truflaði starfsemi fyrirtækisins talsvert. Haraldur Johannessen, framkvæmdastjóri og ritstjóri, segir við blaðið að samkeppni við RÚV sé stærsta vandamálið í dag.

„Þó að horft sé framhjá þeim einskiptiskostnaði sem fyrirtækið varð fyrir vegna árása tölvuþrjótanna er engu að síður ljóst að undirliggjandi rekstur er áfram mjög erfiður. Samkeppni helstu fjölmiðla hér á landi við ríkisfyrirtæki er afar þungbær,“ sagði Haraldur við Morgunblaðið.