Bandarískt par birti fyrir nokkrum dögum Excel-skjal sem sýndi kostnað þeirra við hringferð þeirra um Ísland.

Excel-skjalið birti parið í Facebook-hópnum Tips for Iceland & Travel Guide, þar sem fólk getur fundið upplýsingar um ferðalög um Ísland.

Við Excel-skjáskotið var skrifað:

„Komum nýlega heim úr níu daga ferð um hringveginn á Íslandi. Þetta var frábær ferð. Sumir dagar voru langir á ferðinni. Ég tók saman kvittanirnar sem ég fann til að áætla útgjöldin. Þetta tekur ekki með í reikninginn hótelgistingu, bílaleigu (385 USD) né flugið (1.000 USD fyrir tvo). Við reyndum að spara með því að deila máltíðum, smyrja samlokur og forðast dýrar skipulagðar ferðir.“

Sjá má á útreikningi parsins að alls kostaði hringferðin um 221 þúsund krónur en það er auðvitað án gistingar, bílaleigu og flugsins, eins og segir í færslunni. Hér fyrir neðan má sjá listann: